Ómagasogur

Monday, December 08, 2008

Jæja góðir hálsar þá erum við komin heim! Við vorum útskrifuð á laugardaginn var, en ég hef bara ekkert komist í tölvuna. Nú er Lucas hjá dagmömmunni og sá yngri sefur :)

Á miðvikudagsmorguninn svona um 5 leitið vakna ég og finnst ég vera með frekar slæma samdrætti, en ég var ekkert að spá svo mikið meira í því og sofna aftur. En ég vakna í hvert sinn sem það kemur "samdráttur" svo fer ég að spá í hvort þetta ég eitthvað reglulegt og hvort þetta gæti verið að byrja. Ég fer á fætur um hálf 7 og er farin að finna frekar mikið fyrir þessu. Ég harka þetta samt bara af mér og geri Lucas tilbúin fyrir daginn. Ég segi við Hans að ég ætli bara að keyra Lucasi til dagmömmunar og svo koma aftur heim því ég var ekki alveg viss um ástandið (ég ætlaði sem sagt ekki í skólan). Ég segi við Hans að hann eigi bara að fara í vinnuna og ég hringi ef þetta er alvöru.
En svo vorum við í heima í svona 30 mín í viðbót og Hans var á leið út úr dyrum, þá segi ég við hann að hann ætti kannski að vera heima og hjálpa mér með Lucas til dagmömmunnar, svo gætum við kannski kíkt aðeins upp á spítala og látið kanna þetta, því nú var ég orðin alveg viss um að ég væri með hríðir og það voru bara cirka 3 mín á milli. Þær voru alveg slæmar en ekkert svo hrikalegar.
Við keyrðum svo með Lucas til dagmömmunnar og ég fór inn með hann og allt. Svo fórum við upp á spítala.
Við vorum komin þangað um hálf níu leitið. Þá var ég víst komin með 4 í útvíkkun. Ég fór svo bara í sturtu og þá voru hríðarnar orðnar frekar slæmar. Það var svo gott að vera í sturtunni að ég ákvað að eiga í baði.
Á meðan baðið var að fyllast þá skoðaði hún mig aftur og ég var bara komin með 5 í útvíkkun. Þá þótti okkur óhætt að Hans myndi renna heim að ná í þá hluti sem við gleymdum.
Ég fór bara í bað og það leið og beið....en svo fóru hlutirnir að gerast hratt og Hans var ekki kominn ennþá..ég hringdi og hringdi milli hríða, en aldrei svaraði hann og ég var orðin frekar áhyggjufull því það tekur ekki meira en 30 mín að keyra fram og til baka og það var liðinn cirka klukkutími. Svo var mig farið að langa til að pressa og Hans var ekki ennþá kominn...svo kom hann á síðustu stundu..ég fékk 2 hríðir í viðbót, pressaði 3x og svo var litli gaur mættur klukkan 11.49 að dönskum tíma! Þá hafði Hans setið í umferðarteppu á hraðbrautinni alveg að gera í buxurnar úr stressi..en hann náði þessu sem betur fer.
Strákurinn kom á svo mikilli ferð að hann varð dálítið blár og þrútinn í framan, svo sprungu líka æðar í augunum eins og hjá Lucasi. Hann er þó orðinn eðlilegur á litinn núna og augun eru að jafna sig.
Ég er alveg eitur hress enda missti ég lítið blóð miðað við fæðinguna hans Lucasar og það gekk bara allt svo vel, ekkert saumuð eða neitt :)

Við vorum á spítalanum í nokkra daga á eftir svo hægt væri að fylgjast með blóðsykrinum hjá okkur báðum, og það var ekki neitt að finna að tölunum. Lucas tekur litla svakalega vel enn sem komið er hann geislar alveg þegar hann fær að sitja með hann eða faðma hann og hann vill alltaf vera að kyssa hann og kíkja á hann. En ætli nýjabrumið fari ekki af honum bráðum hehehe

En jæja best að fara að gera eitthvað hérna heima áður en gullið vaknar. Takk fyrir allar kveðjurnar ótrúlega gaman að það séu svona margir sem hugsa til okkar :)

Tuesday, December 02, 2008

Jæja smá fréttir, ég var í skoðun í gær og allt lítur ljómandi vel út. Blóðþrýstingurinn frábær og blóðsykurinn líka. Ég er reyndar búin að vera með gubbupest um helgina en er orðin frekar hress aftur. Úff það er sko ógeð að vera ólétt með æluna! En gubbupestin gerði það að verkum að, í prófunum, leit út fyrir að ég væri að svelta mig, þannig að ég varð að útskýra þetta fyrir næringarfræðingum hahaha en hún var nú ekkert að efast um svörin.
Barnið er um 3,5 kg núna ég verð svo sett af stað þann 07.12 kl 19.00 ef ég fæði ekki áður. Það getur tekið allt að 4-5 daga að setja svona fæðingu af stað (það er samt sjaldgæft held ég), þannig að ef þið heyrið ekki frá mér í nokkra daga þá er það þess vegna :) það er út af því að það fer allt eftir því hvað líkaminn er tilbúinn. Ef maður tilbúinn af náttúrunnar hendi þá er farið beint í að sprengja belginn og þá gengur allt mun hraðar fyrir sig. En ef maður þarf að fá hormónastíla getur þetta tekið lengri tíma.
Ég held nú samt að ólátabelgurinn komin aðeins fyrr..eða ég vona það allavega, langar ekkert svo mikið að verða sett af stað aftur, ég er líka búin að vera með frekar mikla samdrætti undanfarna daga.

Annars fórum við Lucas til Kolding um helgina og sáum jólasveininn koma siglandi í land, hann lagði að höfn beint fyrir framan Lucas, hann var ægilega spenntur enda kom jóli og tók í höndina á honum.Svo kom blaðamaður og tók myndir af Lucasi því hann var svo sætur með jólahúfuna sína hehe.
Ég náði ekki mörgum myndum það var frekar erfitt að taka myndir og halda á Lucasi, næstum því ómögulegt! En hann fékk nokkrar karamellur og svo gengum við upp á torg þar sem var kveikt á jólatrénum. Spenningurinn var búin að vera svo mikill allan daginn að guttinn sofnaði bara í bílum á leiðinni heim. En nú talar hann mikið um jólasveininn og pakka :)

Við förum líka bráðum á jólaball í leikfiminni þann 16 des og hjá dagmömmunum þann 18rosa fjör. Úff ég er líka að komast í jólastuð, það er bara meira og meira gaman á jólunum eftir því sem Lucas er meira spenntur fyrir þeim!

Annars er ég bara á fullu að vinna í prófaverkefni þessa dagana. Ég ætla í skólan á morgun, en svo nenni ég ekki meir :) enda eru allir mikilvægustu tímarnir búnir eftir morgundaginn.