það er búið að vera nóg um að vera hér í Odense, við Hans erum búin að pakka næstum öllu sem við getum, við fytjum um helgina og svo fer ég í síðasta prófið á mánudaginn..en við fengum að vita í dag að við getum flutt allt dótið okkar en við getum ekki flutt inn fyrr en 1 júlí..það er nú meira vesenið en ætli við verðum ekki bara hjá tengdó í viku, þau eru svaka fín, bara óþægilegt að vera með litlamann að heiman svona lengi þ.e ekki með allt dótararí við höndina. En það er ekkert við því að gera.

Agnethe, Anne Marie, Tina og Emilie komu í heimsók í dag að kíkja á litla karl og gáfu honum pening og mér andlitsbað svaka lúxus :) svo kom hjúkrunarfræðingurinn að kíkja á gæann, hann er orðinn 3950gr þ.e búin að bæta hálfu kílói á sig á tveimur vikum, hann er að byrja að hjala og reynir að segja allskonar hljóð...svo er hann byrjaður að brosa..ég var í vafa til að byrja með því ég hélt bara að þetta væri bara loft í maga eða eitthvað..en nú er enginn vafi lengur hann brosir og brosir þegar maður leikur við hann og það er ekkert smá bros, hann brosir bara með öllu andlitinu, maður kikknar alveg í hnjánum, en það er nú ekkert að marka þegar mamman dæmir :)

Svo á morgun erum við að fara að hitta Marie og Trine svona áður en við flytjum og á föstudaginn verður hann til sýnis í vinnunni minni hahaha.

Ég er byrjuð á spá í skírninni en það veður tekið með fullum þunga þegar ég er búin í prófunum þ.e á mánudaginn.

Ég skilaði einu verkefni í gær og fékk líka þær góðu fréttir að ég get skilað einu verkefni sem ég missti af þegar ég var veik þangað til 31 ágúst, þannig að ég get bara skrifað það í rólegheitunum í sumar og þá er bara eitt sjúkrapróf í Janúar, sem er ofsafínt :) en jæja nú ætla ég að fara að búa til slideshowet mitt um hypermediacy og transperant immediacy fyrir mánudagsprófið!