takk fyrir öll kommentin við síðustu færslu það er sko gaman að fá svona hrós mér finnst ljótan nefninlega vera farin ad gera vart við sig í tíma og ótíma hahaha.

Það er búið að vera ansi mikið að gerast í vikunni. Hans byrjaði í vinnunni í dag, greyið þurfti að taka lestina kl 4 í nótt og þar sem hann er búin að vera í fríi síðustu daga þá gat hann ekki sofnað snemma í gærkveldi og ég vorkenndi honum svo mikið að ég vaknaði aðeins á undan honum og lagaði kaffi og bjó til nesti, svo sofnaði ég bara aftur.Hann svaf meir að segja í öllum fötunum svo hann gæti fengið nokkrar mínútur extra hahaha. Hann verður örugglega alveg búin á því þegar hann kemur heim en hann er rosalega ánægður með vinnuna og hann fær svaka fín laun svo ástandið á heimilinu ætti að fara að lagast næstu mánuðina :) Ég ætla að staulast út eftir fagnaðarpizzu í kvöld!

Ég fór annars í fyrsta sinn á fæðingarundirbúningsnámskeið í dag það var ótrúlega gaman flestar stelpurnar voru á aldrinum c.a 24-28 og voðalega málgjarnar, við gerðum nú ekki mikið annað en að kynna okkur og væntingar okkar til námskeiðisins svo nokkrar öndunaræfingar. En ég hlakka voðalega til að fara aftur það er svo gaman að spjalla við aðra óletta þar sem ég get nú ekkert verið að ræða þetta við stelpurnar í bekknum á sama máta.

En við Hans vorum að spá í að kaupa skellinöðru en nú verður það sennilega gamall skrjóður því það er krafa frá vinnuveitandanum að þegar hann verður fastráðinn þá verður hann að hafa bíl, en við ætlum þá bara að reyna að finna einhvern fyrir 100-150 þús svona vinnubíl og ódýran í trygginum (það eru tryggingarnar sem eru svo geðveikislega dýrar hér í DK heima er sko bara smápeningur miðað við hér!) En jæja nú ætla ég að ná í pizzuna áður en maðurinn minn kemur heim lurkum laminn haha