Hér er allt fínt að frétta mamma og Ásta eru farnar heim eftir skemmtilega viku...reyndar vorum við ekkert svakalega heppnar með veðrið í þetta sinn og það ringdi mikið..en það var allt í lagi því við eyddum mestum tímanum í búðum hvort sem er :) Við fórum reyndar einu sinni í miðborg Flensborgar í þýskalandi og svo fórum við til Egeskov slot á fjóni sem er svakalega flottur kastali. Það var ótrúlega gaman mér hefur langað að fara þangað lengi.

Annars var greyið Lucas á pensilíni alla síðustu viku þvi hann var stunginn af mýflugu í eyrað og það kom sýking í, hann var svo bólginn að það var sko ekki hægt að sjá að þetta væri eyra!!! Ekki nóg með það heldur var hann stunginn af geitung í hnakkann sama dag og mýið stakk hann..svo seinna í vikunni var hann stunginn af geitung rétt undir augað og í dag var hann stunginn af grábölvuðum geitung í eyrað...sem var rétt búið að jafna sig..hann er samt sem betur fer ekkert svo bólginn..en hann er orðinn brjálæðislega hræddur við flugur, hann fær bara móðursýkiskast við að sjá húsflugu, greyið skinnið enda ekki furða!

Ég bíð enn eftir síðustu einkunninni minni sem á að koma á fimmtudaginn eða föstudaginn. Ég byrja svo í skólanum á föstudag, ég var að kíkja á lestraplanið fyrir næstu önn og það er sko alveg crazy crazy crazy mikið að lesa í hverri viku, en ég hlakka samt pínu til að byrja í skólanum aftur.

En jæja best að hafa þetta ekki lengra...eins og málshátturinn gamlakunni kveður þá er auðveldara að tala en að segja eitthvað ;) svo verð ég líka að fara að vinna, úúúúúúfffff hvað ég hlakka til að fara í orlof! Og by the way svo vorum við í sónum í dag og allt leit vel út, ég á annars að fara í tjékk aftur í viku 38...og það eru komnar fleiri myndir á barnó..túttuls